डिसेंबर महिन्यात ज्यांचा वाढदिवस आहे त्यांचे फूल कोणते ?

डिसेंबर महिन्याचे फूल आम्हाला तरी भारतात फारसे बघायला मिळाले नाही. लालभडक आणि किरमिजी रागाचे "पाँ(इ)सेट' या फुलाचे मुळ वस्तीस्थान मध्य अमेरिकेत आहे. आता या फुलांचे उत्पादन अनेक बागांमध्ये घेतले जाते. प्राचिन अ‍ॅझटेक संस्कृतीपासून अत्याधुनिक अमेरिकन संस्कृतीसोबत हे फूल जोडले गेले आहे. अ‍ॅझटेकच्या नाहुटी भाषेत याला क्यूटलॅक्सोचिटी म्हणजे 'मातीचे फूल' म्हटले जाते. ख्रिस्ती संस्कृतीत त्याला 'स्टार ऑफ बेथलेहेम' म्हटले जाते. ख्रिस्तजन्माच्या वेळी आकाशात दिसणार्‍या तार्‍यासारखा या फुलांचा आकार असतो. काहीजण त्याच्या लाल रंगाला येशूख्रिस्ताच्या बलीदानाचे प्रतिक समजतात. सर्वसामान्यपणे 'तू एक खास व्यक्ती आहेस' असा संदेश द्यायचा असेल तर या फुलांचा गुच्छ दिला जातो.