प्रत्यक्ष बुर्ज खलिफाच्या टोकावर उभं राहून केलेली जाहिरात....कोण आहे ही महिला?

बुर्ज खलिफाच्या टोकावर निकोल उभी आहे. याची उंची आहे ८३० मीटर म्हणजे जवळजवळ २,७२०. एवढ्या उंचीवर उभे राहून जाहिरात करणे काही जोक नाही. निकोल खूप साहसी आहे. १६० व्या मजल्यापर्यंत ती लिफ्टने गेली. वरच्या टोकावर पोहोचायला निमुळते जिने चढावे लागतात. ते चढायला जवळजवळ १ तास लागला. तिथे ती चढल्यावर हेलिकॉप्टर आणि ड्रोनच्या मदतीने शूटिंग घेण्यात आले. तिथे उभी असताना निकोलच्या सुरक्षेसाठी "हार्नेस" म्हणजेच सुरक्षापट्टे लावण्यात आले होते. ते पट्टे तिच्या मागे असणाऱ्या एका खांबाला बांधण्यात आले होते आणि त्यासाठी तिचा गणवेश मागच्या बाजूने कापलेला होता. तिने हातात घेतलेल्या बोर्ड वर “Moving The UAE To The UK Amber List”,“Has Made Us Feel”,“On Top Of The World”,“Fly Emirates”,“Fly Better” हे संदेश लिहिलेले आहेत. यूके आणि यूएई दरम्यानचा प्रवास पुन्हा सुरू करण्याची घोषणा करण्यासाठी ही जाहिरात केली आहे.

एखादया एअरलाइन्सने या स्टंटचा उपयोग फक्त एक संदेश देण्यासाठी केला आहे हे आश्चर्यकारक आहे. निकोलने हा अनुभव सोशल मीडियावर शेयर केला आहे. तिच्यासाठी हा अनुभव खूप चित्तथराराक होता असे तिने म्हणले आहे. या जाहिरातीचे मेकिंग ही शेयर करण्यात आले आहे. याआधी टॉम क्रूझ आणि दुबईचे क्राऊन प्रिन्स या टोकावर पोहचलेले आहेत.आता निकोल हिचे नावही त्यांच्यासोबत जोडले गेले आहे.

सध्यातरी सोशल व्हिडीओवर या व्हिडिओची चर्चा होत आहे. काहींनी याचे कौतुक केले आहे, तर काहींना हा खोटा स्टंट वाटला. पण काही म्हणा, आजकाल जाहिरातींसाठी पैसा खर्च करायला कंपन्यां पुढे मागे पाहत नाही. कारण सोशल मीडियामुळे जगभरात चर्चा तर होतेच.

लेखिका: शीतल दरंदळे