सावळजच्या (सांगली) बाळू लोखंडेंची खुर्ची गेली सातासमुद्रापार! सोशल मीडिया वर माजवला हाहाकार..

सांगली जिल्ह्यातील सावळज येथील बाळू लोखंडे यांचे नाव लिहिलेली ही खुर्ची बघून लेले यांना पण आश्चर्य वाटले. कारण इकडून तिकडे जाणारे लोक तब्बल १३ किलो वजनाची ही जुनी खुर्ची का म्हणून तिकडे घेऊन गेले असतील हा प्रश्न लेले यांच्यासकट सर्व महाराष्ट्राला पडला आहे. गंमत अशी आहे की तिथे या एक नाही, दोन खुर्च्या आहेत. पण लेल्यांनी एकाच खुर्चीचा उल्लेख केल्यामुळे दुसरी खुर्ची बिचारी उपेक्षित राहिली आहे.

विशेष बाब म्हणजे बाळू लोखंडे यांनी १५ वर्षांपूर्वी या खुर्च्या भंगारात विकल्या होत्या. १५ वर्षांनी या खुर्च्यांचा शोध लागला तो थेट इंग्लन्डमध्ये. यामुळे बाळू लोखंडे हे पण चक्रावून गेले आहेत. माया मंडप डेकोरेटर्स नावाने बाळू लोखंडे यांचा व्यवसाय आहे. आपल्या कामासाठी त्यांनी प्रत्येक सामानावर स्वतःचे नाव लिहिले आहे.

Image Source

एका रेस्टॉरंट बाहेर ठेवलेली ही खुर्ची नेमकी तिथे पोहोचली कशी हा प्रश्न गेले दोन दिवस नेटकऱ्यांना सतावतो आहे. एकाहून एक भन्नाट प्रतिक्रिया यावर उमटत आहेत.

या खुर्च्यांनी सातासमुद्रापार झेंडे फडकवले हे मात्र खरे!!