अंडे का फंडा...प्लास्टिकची अंडी कशी ओळखाल ? वाचा !!!
कोलकाता, चेन्नई नंतर आता डोंबिवलीतही प्लास्टिकची अंडी सापडली आहेत. या नकली अंड्यांचा बाजारात सुळसुळाट वाढला आहे. अस्सल अंड्यासारखी दिसणारी ही प्लास्टिकची अंडी आपल्या पोटात गेल्यास जीवाला मोठा धोका असू शकतो पण ही अंडी खरी कि खोटी ते कसं ओळखणार....चला जाणून घेऊया...
1. नेहमीच्या अंड्यांपेक्षा बनावट अंड्यांच्या आतील पिवळा भागाचा रंग अधिक गडद असतो. प्लास्टिकची अंडी उकळल्यानंतर अंड्यांचा बाहेरचा भाग तोडल्यास कडक होतो.
2. जिलेटीन, अॅल्युमिनियम, कॅल्शियम, सोडिअम एल्गिनाईटसारख्या रसायनांनी प्लास्टिक अंड्यांच्या आतला पिवळा भाग बनलेला असतो.
3. प्लास्टिकच्या अंड्यांना आगीजवळ नेले असता वरचे कवच जाळू लागते तसेच जळताना प्लास्टिकचा वास येऊ लागतो.
4. बनावट अंड्याच्या आतील पिवळा बलक तव्यावर टाकल्यास तो तसाच राहून पसरत नाही. साधारण अंड्याचा बलक तव्यावर लगेच पसरतो.
गेल्या वर्षी चेन्नईत प्लास्टिकचे चीनी तांदूळ विकले गेल्याची घटना घडली होती. अश्या बनावट गोष्टी दैनंदिन जीवनातील असल्याने याकडे फारसे कोणाचे लक्ष जात नाही पण नीट काळजी घेतल्यास आपले आरोग्य धोक्यात येणार नाही.
