प्राण्यांचे डोळे रात्री का चमकतात? प्रश्न पडला असेल तर उत्तर इथे आहे.
तुम्ही काही ठराविक प्राणी रात्री पाहिले आहेत का? रात्री पाहताना काही प्राण्यांचे डोळे विलक्षण चमकतात. मांजरीचंच उदाहरण घ्या. काळोखात मांजरीचे शरीर कदाचित दिसणार नाही, पण त्यांचे डोळे चमकतात. ती मांजर काळी असेल तर तिचे चमकणारे डोळे पाहून भीतीच वाटते. मांजराप्रमाणेच सिंह, चित्ता, बिबट्या यांसह इतर अनेक प्राण्यांचे डोळे रात्री चमकतात. तुम्हाला प्रश्न पडला असेल की या प्राण्यांचे डोळे रात्रीच्या अंधारात असे का दिसतात? तर याचे उत्तर तुम्हाला आज मिळणार आहे.
प्राण्यांचे डोळे रात्री चमकण्याच्या मागे वैज्ञानिक कारण आहे. ज्या प्राण्यांचे डोळे चमकतात, त्यांच्या डोळ्यांवर एका विशिष्ट प्रकारच्या स्फटिक पदार्थाचा पातळ थर असतो. हा पातळ थर डोळ्यांवर पडणारा प्रकाश प्रतिबिंबित करतो. याला ल्युमिनस टेपेटम (lucidum tapetum) असे म्हणतात. यामुळे डोळ्यांवर पडणारा प्रकाश प्रतिबिंबित होतो. यामुळेच रात्रीच्या वेळी हे प्राणी अगदी कमी प्रकाशातही सहज पाहू शकतात. इतर प्राण्यांपेक्षा यांना चांगली दृष्टी असते. रात्री शिकारीच्या वेळी त्यांना मदत होते.
याशिवाय आणखी एक गोष्ट लक्षात घेण्यासारखी आहे की ज्या प्राण्यांचे डोळे रात्री चमकतात, त्यांचा रंग सारखा नसतो. म्हणजे काही डोळे लाल,पिवळे, पांढरे असे दिसतात. याचे कारण ज्यांच्या डोळ्यांमध्ये अधिक रक्तवाहिन्या आहेत, त्यांचे डोळे लाल रंगात चमकतात. त्याच वेळी ज्या प्राण्यांच्या डोळ्यांमध्ये रक्तवाहिन्या कमी असतात, त्यांचे डोळे पांढरे किंवा हलके पिवळेपणाने चमकतात.
तुम्हाला ही माहिती कशी वाटली जरूर सांगा.
