सामना ऐनभरात असताना विराटने भांगडा केलाय...हा व्हिडीओ पाहा!!
भारताचा कॅप्टन विराट कोहली आपल्या आक्रमक स्वभावासाठी ओळखला जातो. मैदानावर त्याचा वावर हा अतिशय आक्रमक असतो. वर्ल्ड टेस्ट चॅम्पियनशिप फायनल ऐन भरात आली आहे. दोन्ही देशांतील क्रिकेट चाहत्यांच्या मनातील उत्सुकता वाढत आहे. अशावेळी विराट कोहली आपल्या आक्रमक खेळीसाठी नाही तर भलत्याच कारणासाठी चर्चेत आलाय.
काल फायनल सामन्याच्या तिसऱ्या दिवशी भारतासाठी परिस्थिती चांगली नव्हती, पण मैदानावरील स्टँडसवर ढोल वाजत असताना विराट भाऊ स्वतःला रोखू शकले नाहीत. मैदानावरच त्यांनी आपला भांगडा सुरू केला. ढोलच्या तालावर थिरकणारा कोहली बघून भारतीय संघाला ऊर्जा प्राप्त झाली असे म्हणता येईल. कारण दुपार नंतर भारताचा खेळ समाधानकारक झाला होता.
— Thala | MASK UP Dude (@SattiPreetham) June 20, 2021
खेळाच्या सुरवातीला २१ ओव्हर्समध्ये भारताला एकही विकेट मिळाली नव्हती. पण नंतर कोहलीने आपली पद्धत बदलली. मैदानावर फक्त त्याने भांगडा केला असे नाही तर इंग्लिश खेळाडूंची स्लेजिंग पण तो अधूनमधून करत होता. काहीही असले तरी कोहलीचा हा डान्स मात्र सामन्यापेक्षा जास्त प्रसिद्ध झाला आहे. अनेक मीमर्स त्यावर मीम्स पण बनवत आहेत.
तुम्हाला कसा वाटला कोहलीचा नाच?
