आला 'डॅडी' चा फर्स्ट टिझर : फुल्ल डेंजर दिसतोय अरूण गवळी
७०-८० च्या दशकापासून मुंबईच्या गुन्हेगारी क्षेत्रात दबदबा निर्माण करून राहीलेल्या अरूण गवळीच्या जीवनावर "डॅडी" नावाचा नवा चित्रपट येऊ घातलाय...
चित्रपटात अरूण गवळीच्या भुमिकेत अर्जुन रामपाल काम करतोय. आणि नुकताच या चित्रपटाचा पहिला टिझर लॉन्च झाला. टीझरमध्ये अर्जुन रामपालनं अरूण गवळीच्या भूमिकेवर कमालीची मेहनत घेतल्याचं दिसतंय. यात पोलीस अधिकाऱ्याला शांत आणि खुनशी आवाजात उत्तर देणारा अरूण गवळी दिसतोय. सोबतच्या दृश्यांतून त्यावेळचा तो जुना काळही इथे जसाच्या तसा उभा केला गेलाय हे दिसून येतंय.
पण नेहमीप्रमाणे इथेही हा चित्रपट भाषेत मार खातो की काय? असा प्रश्न उपस्थित होतोय. कारण मन्या सुर्वेचा जसा मनीया सुर्वे झाला होता तसाच इथे गवळी ऐवजी "गावली" झालाय. भाषेवरचं दुर्लक्ष सोडलं तर बाकी टिझर पाहून मात्र असंच वाटतं की हा चित्रपट अपेक्षांना खरा उतरेल. यात सरप्राईज पॅकेज म्हणुन दाऊदच्या भूमिकेत फरहान अख्तर दिसू शकतो हेही विसरू नका...