ती सध्या काय करते ? : अंकुश चौधरी जागवणार पहिल्या प्रेमाच्या आठवणी  .. 

Subscribe to Bobhata

 

प्रत्येकाने आपल्या आयुष्यात कधीतरी प्रेम केलेलं असतं. कुणी ते एकदाच करतं तर कुणी अनेकदा. पण पहिल्या प्रेमाची बात काही औरच असते. या पहिल्या प्रेमाच्या आठवणी प्रत्येकाच्या मनाला गुदगुल्या करत कायमस्वरूपी चिकटलेल्या असतात.. याच आठवणी जाग्या करायला एक नवा चित्रपट येतोय.. 'ती सध्या काय करते ?' 

           चित्रपटाचा छान असा टिझर रिलीज झालाय. सतिश राजवाडे यांचं दिग्दर्शन आणि अंकुश चौधरी - तेजश्री प्रधान ही जोडगोळी या चित्रपटाची रोमॅन्टिक मजा वाढवणार आहे. आणि यात सरप्राईज पॅकेज आहे ते अभिनय बेर्डे आणि लिटल चॅम्प आर्या अंबेकर यांचं!!  या जोडीने अंकुश आणि तेजश्रीची किशोरवयीन भूमिका साकारलीय.  आडनावावरून लक्षात आलंच असेल की अभिनय हा विनोदवीर लक्ष्मीकांत बेर्डेंचा मुलगा आहे. 

टीझर पाहून चित्रपटाचं स्वरुप आपल्याला समजू शकतं. टीझरच्या बॅकग्राऊंडला वाजणारं 'हृदयात वाजे समथिंग' हे गाणं आणि त्यात दिसणारी आर्या-अभिनयची जोडी गोड वाटते. झी स्टुडिओजतर्फे या चित्रपटाची निर्मिती होतीय. 


आपले प्रेमवीर हा चित्रपट पहायला जाणार हे तर नक्की आहेच. पण त्यासाठी २०१७ पर्यंत वाट पहावी लागेल. पण एक विचारायचं राहिलंच..  तुमची 'ती' सध्या काय करते ??

सबस्क्राईब करा

* indicates required