फोन हँग होण्यापासून वाचवायचं असेल तर हे ४ फंडे शिकून घ्या राव !!
मित्रांनो, सध्या कितीही महाग मोबाईल घेतला तरी दीड दोन वर्षात असं वाटायला लागतं की आता मोबाईल बदलला पाहिजे. याची दोन कारणं सांगता येतील.
एक म्हणजे तुम्हाला असे वाटायला लागते की आता तुमचा सेलफोन आउटडेटेड झाला आहे. आजकाल तर अगदी दर पंधरा दिवसांनी मोबाईलचं नवं मॉडेल बाजारात येत असतं. अशावेळी प्रोसेसरची पॉवर कमी असणं, बॅटरी बॅकअप कमी असणं अशा कारणांमुळे मोबाईल बदलावा असं वाटतं किंवा मग मोबाईल सतत हँग किंवा गरम होत असेल तर आपण मोबाईल बदलतो. हल्ली तर मोबाईलचा स्फोट झाल्याची बरीच प्रकरणं घडत आहेत.
तर मंडळी, पहिल्या कारणामुळे मोबाईल बदलत असाल तर ठीक आहे. पण जर त्यामागे दुसरं कारण असेल तर त्यामागे तुमची बेपर्वाई किंवा मग मोबाईल हाताळण्याची चुकीची पद्धत असू शकते. तर म्हणूनच आम्ही आपल्याला काही सोप्या गोष्टी सांगणार आहोत ज्या करुन तुम्ही मोबाईल हँग होण्यापासून किंवा गरम होण्यापासून थांबवू शकता.
मंडळी उपाय बघण्याआधी समस्या कशामुळे निर्माण होते हे पण शोधायला नको का? तर आधी आपण आधी मोबाईल हँग कशामुळे होतो हे समजून घेऊया.
आपण घराचे उदाहरण घेऊ. जर आपले घर व्यवस्थित असेल, वस्तू जागच्या जागी असतील अणि कामाच्या नसलेल्या वस्तू आपण बाहेर फेकल्या असतील.. तर घर कसे सुंदर दिसते? हेच आपल्या मोबाईलला पण लागू पडते मंडळी. जर तुमचा मोबाईल बिनकामाच्या ऍप्लिकेशन्सने भरलेला असेल किंवा मोबाईलमध्ये फोटो किंवा व्हिडीओचा प्रचंड भरणा असेल तर अश्यावेळी तुमच्या मोबाइलचा प्रोसेसर कितीही चांगला असला तरी फोन हँग होतो...
तर ही सर्व कटकट बंद करण्यासाठी खाली दिलेले उपाय फॉलो करा..
1) बिनकामाचा कचरा साफ करा
सर्वात आधी तर गरजेचे नसलेले फोटो, विडियो आणि ऍप्स मोबाईलमधून साफ करा. मोबाईल मधील २० ते ३० टक्के स्पेस नेहमी रिकामी असायला हवी.
हे काम पण तुम्ही काही सोप्या टिप्स द्वारे करु शकतात मंडळी.
सर्वात आधी तर फाइल मैनेजरमध्ये जाऊन इंटर्नल स्टोरेज ओपन करा. तिथे गरजेच्या नसलेल्या फाईल्सचा मोठा साठा असतो. सर्वप्रथम त्या फाइल्स डिलीट करा. तर मंडळी वेळोवेळी गरजेच्या नसलेल्या फाइल्स मोबाईलमधून डिलीट करत राहिल्याने स्टोरेज पण रिकामं होत राहते.
2) ऑटो अपडेट बंद करा.
मंडळी, ऑटो अपडेटमुळे तुम्ही नेट चालू केले म्हणजे तुमच्या मोबाईलमधील ऍप्स आपोआप अपडेट व्हायला लागतात, ज्याने तुमचा फोन स्लो व्हायला सुरवात होते.
ऑटो अपडेट बंद करण्यासाठी आधी मोबाईलमधील प्ले-स्टोर मध्ये जा. तिथे जाऊन सेटिंगच्या ऑप्शन वर क्लिक करा. मग ऑटो अपडेटचा जो ऑप्शन असतो तिथे जाऊन don't auto update apps वर क्लिक करा.
3) बॅकग्राऊंड एक्टिविटी बंद करा
मोबाईँलच्या सेटिंगमध्ये जाऊन अबाउट फोनवर टॅप करा. तसे केल्यावर सर्वात शेवटी बिल्ड नम्बरचा ऑप्शन येतो. त्या बिल्ड नम्बरच्या ऑप्शनवर सात वेळा टॅप करावे. असे केल्यावर एक फाइल ओपन होते. ज्यात डेवलपर ऑप्शनवर परत सात वेळा टॅप करायचे आहे. असे केल्याने डेवलपर ऑप्शन ॲक्टिव होतो. डेवलपर ऑप्शन उघडल्यावर सर्वात शेवटी ऍप्स नावाची फाइल असते. ती उघडल्यावर बॅकग्राउंड प्रोसेस लिमिटवर क्लिक करुन तुम्ही स्टँडर्ड लिमिट सेट करु शकता. असे केल्याने कुठलीही बैकग्राउंड एक्टिविटी तुमच्या मोबाईलमध्ये होणार नाही आणि तुमचा मोबाईल हँग होण्यापासूअन वाचेल.
4) क्लीनर ॲप डाऊनलोड करा
जर तुम्हाला पुन्हापुन्हा फाइल्समध्ये जाऊन विनाकामाच्या फाइल्स डिलीट करायचा कंटाळा येत असेल तर प्ले-स्टोर मध्ये जाऊन सीसी-क्लीनर नावाचे एप्लिकेशन डाऊनलोड करुन घ्या. या ॲपमुळे तुमचा मोबाईल आपोआप वेळोवेळी कामाच्या नसलेल्या फाइल्स डिलीट करेल.
तर मित्रांनो, आम्ही दिलेली माहीती आवडली असल्यास शेअर करायला विसरू नका. जर तुमच्याकडे आणखी उपाय असतील तर आम्हाला कॉमेंट बॉक्स मध्ये जरुर कळवा.
आणखी वाचा :
