दूरदर्शनवर बातम्या देणारी मंडळी, या चेहऱ्यांना तुम्ही ओळखता का?
ब्रेकिंग न्यूज, चर्चासत्र, निवडणुकीची रणभूमी, सिनेमांच्या गप्पा वगैरे वगैरे येण्याआधी बातमी देणाऱ्या वाहिन्या फक्त बातमी देण्याचं काम करत होत्या. आता बातम्या देणाऱ्या वाहिन्याच मनोरंजन करू लागल्या आहेत. आपल्यातल्या अनेकांना आठवत असेल की एक काळ असा होता जेव्हा संपूर्ण कुटुंब एकत्र जमून दूरदर्शनवर बातम्या पाहत असे आणि ही एक वेळ हमखास ठरलेली असायची.
तो जमाना निघून गेला, पण त्या आठवणी आपण कधीही विसरू शकत नाही. याच आठवणींना उजाळा देण्यासाठी आम्ही आज घेऊन आलो आहोत दूरदर्शनवर बातम्या देणारी काही मंडळी, ज्यांनी आपलं दूरदर्शन व्यापून टाकलं होतं.
१. शोभना जगदीश
हा चेहरा सर्वांनाच त्यावेळी ओळखीचा होता. शोभा जगदीश यांची बातम्या सांगण्याची स्वतःची शैली होती.
२. शम्मी नारंग
८०-९० च्या दशकात शम्मी नारंग यांनी न्यूज प्रेझेंटर म्हणून काम केलं. सध्या ते ‘व्हॉईस ओव्हर आर्टिस्ट’ आणि पत्रकारांना प्रशिक्षण देण्याचं काम करतात.
३. नीती रविंद्रन
मदर टेरेसा गेल्या तेव्हा सर्वात आधी बातमी देणाऱ्यांमध्ये या नीती रविंद्रन होत्या. त्यांचा चेहरा ओळखीचा झाला तेच मुळात संध्याकाळच्या बातम्यांमुळे. न्यूज प्रेझेंटर म्हणून काम करण्याआधी त्यांनी ते लघुचित्रपटात आणि माहितीपटात ‘व्हॉईस ओव्हर आर्टिस्ट’ म्हणूनही काम केलं होतं.
४. सरला महेश्वरी
सरला महेश्वरी या शांत स्वभाव आणि आवाजाच्या खास लहेजासाठी ओळखल्या जायच्या.
५. प्रतिमा पुरी
दूरदर्शनच्या सुरुवातीच्या (१९६५) काळात ५ मिनिटांच्या न्यूज बुलेटीनमध्ये पहिल्या बातमीदार या प्रतिमा पुरी होत्या. अंतराळात जाणारा पहिला मानव ‘युरी गागारीन’ यांची मुलाखत देखील प्रतिमा पुरी यांनीच घेतली हिती.
६. वेद प्रकाश
वेद प्रकाश हे दूरदर्शन वरील विख्यात बातमीदार आणि व्हॉईस ओव्हर आर्टिस्ट’ म्हणून ओळखले जातात. ‘स्टुडंट्स टुडे’ मध्ये त्यांनी मुख्य संपादक म्हणून काम केलं आणि त्याचबरोबर अनेक प्रमुख वृत्तपत्रांसाठी त्यांनी लिखाण केलं आहे.
७. सुनीत टंडन
२००७ पर्यंत सुनीत टंडन हे दूरदर्शनमध्ये इंग्रजी न्यूज प्रेझेंटर म्हणून काम करत होते. ‘इंडियन इन्स्टिट्यूट ऑफ मास कम्युनिकेशन’ या शिक्षण संस्थेचे मुख्य म्हणून देखील त्यांनी काही काळ काम केलं आहे.
मंडळी या चेहऱ्यांना आपण नक्कीच ओळखत असाल यात शंका नाही...
