या दोघांनी आपल्या मुलांबरोबर जे केलं ते बघून विश्वास बसणार नाही !!

मानसिक स्वास्थ्य बिघडलेली माणसं कोणत्या थरला जाऊ शकतात याचं एक उदाहरण बघा राव. कॅलिफोर्निया इथल्या एका जोडप्यांने आपल्या १३ मुलांना घरात डांबून ठेवलं होतं. त्यांना जेव्हा सोडवण्यात आलं तेव्हा ती सगळी मुलं कुपोषित झाली होती.

डेव्हिड तुर्पिन (५७) आणि लुईस तुर्पिन (४९) हे कॅलिफोर्निया मध्ये राहतात. त्यांच्या राहत्या घरातून एक मुलगी रविवारी गुपचूप पळाली आणि तिने पोलीस स्टेशन गाठून पोलिसांना घरात चाललेला अघोरी प्रकार सांगितला. यानंतर पोलिसांनी त्या घरावर छापा मारून १२ मुलांना तिथून सोडवलं आणि या नवरा बायकोच्या जोडीला बेड्या ठोकल्या. यावेळी त्या मुलांची स्थिती अत्यंत वाईट होती. दुर्गंधीने भरलेल्या घरात त्यांना साखळीने बांधण्यात आलं होतं. 

स्रोत

स्थानिक रिपोर्टनुसार या सर्व मुलांना मारहाण करून अन्न पाण्याविना ठेवण्यात आलं होतं. यातील २९ वर्षाच्या एका मुलीचं वजन तब्बल ३७ किलो राहिलं आहे. हे जोडपं मुलांना साखळदंडाला बांधून त्यांच्यासमोर खाण्यापिण्याचे पदार्थ ठेवायचे. पोटात भूक असूनही त्यांना ते खाता यायचं नाही. काही वेळा त्यांना बांधून न ठेवता रूम मध्ये बंद करण्यात यायचं. त्यांना खेळायची, अंघोळ करायची परवानगी नव्हती. याशिवाय त्यांच्यातील सर्वात मोठ्या मुली बरोबर डेव्हिड तुर्पिन ने लैंगिक अत्याचार केल्याचं उघडकीस आलं आहे.

हे सर्व अनेक वर्षांपासून सुरु होतं. पण एवढं सगळं शेजारी सुरु असताना कोणाचच तिकडे लक्ष गेलं नाही हे काही पटत नाही ब्वा !!

या जोडप्याने स्वतःच्या पोटच्या मुलांवर असे अत्याचार का केले याचं उत्तर अजूनही मिळालेलं नाही.

सबस्क्राईब करा

* indicates required