तिच्या तेवीसाव्या आणि त्याच्या एकूणतिसाव्या लग्नाची गोष्ट-अशीही असते एका लग्नाची गोष्ट

मंडळी, लग्न म्हटलं की 'पवित्र बंधन', 'एक चुटकी सिंदूर', 'जनम जनम के फेरे', 'मै तुलसी तेरे आंगन की' वगैरे फिल्मी डायलॉग आठवायला लागतात. आपल्या ज्या वाचकांची लग्न पार पडली आहेत त्यांच्या मनात  कांदेपोहे, बैठक, सुपारी, मानपान, पाहुणे सोयरे,  रुसव्याफुगव्यांसकट सगळ्या आठवणी मनात ताज्या असतील आणि ज्यांची झाली नसतील त्यांना आतापर्यंत कळलं असेलच की त्यांचं लग्न  जमणं हे आयुष्यातलं सर्वात मोठ्ठं चॅलेंज आहे. पण आज ज्या जोडप्याची गोष्ट आम्ही तुम्हाला सांगणार आहोत त्यांचं लग्न  जगावेगळंच होतं. हे त्या बाईंचं तेवीसावं लग्न होतं, तर होणार्‍या नवर्‍याचं एकोणतिसावं लग्न होतं!! अर्थातच हे लग्न भारतातलं नव्हतं हे वेगळं सांगायला नकोच. 
चला तर, आपण ओळख करून घेऊ या लिंडा वूल्फ आणि ग्लीन वूल्फ या जगावेगळ्या जोडप्याबद्दल!!