अतिशहाण्या अमेरिकेच्या कृषि विभागाने नवीन घोळ काय घातलाय पाह्यला का?

Image Source

चुका या सगळ्यांकडूनच होतात, पण अमेरिकेसारख्या देशाच्या कृषी विभागाकडून एवढी मोठी चूक होईल याचा कोणीही विचार केला नव्हता.

त्याचं झालं असं, न्यूयॉर्कचा सॉफ्टवेअर इंजिनियर कामानिमित्त अमेरिकेच्या कृषी विभागाची वेबसाईट पाहत होता. अमेरिकेशी मुक्त व्यापारात भागीदार असलेल्या देशांची यादी बघितली, तर त्यात चक्क ‘वाकांडा’ नावाच्या देशाचं नाव होतं.

तुम्ही जर मार्व्हलच्या सिनेमांचे चाहते असाल किंवा ब्लॅक पँथर सिनेमा पाहिला असेल तर आम्ही कोणत्या देशाबद्दल बोलत आहोत हे तुमच्या लक्षात आलंच असेल. ज्यांना हा प्रकार माहित नाही त्यांच्यासाठी थोडक्यात वाकांडा काय आहे ते पाहूया.