computer

फोटो स्टोरी

काही फोटो हे अजरामर ठरतात, त्यात एक कथा दडलेली असते. या मालिकेत आपण वाचणार आहोत अशाच काही फोटो मागच्या कथा.

या मालिकेतील भाग (11)

फोटो स्टोरी : अमेरिकन दारुबंदी आणि गाईच्या खुरांच्या बुटांची आयडिया. सरकार नक्की कसं मामा बनलं?

आजच्या फोटोस्टोरीमध्ये आम्ही ज्या फोटोची निवड केली आहे तो फोटो आपल्याला अमेरिकेच्या जन्मकाळात घेऊन जाणार आहे. अमेरिकेचा नुकताच जन्म झाला होता. म्हणजे अमेरिकेने इंग्रजांपासून स्वातंत्र्य मिळवलं होतं आणि पहिल्या स्वतंत्र अमेरिकन सरकारची स्थापना झाली होती. युद्धामुळे डोक्यावर कर्ज होतं. नवीन देशाची उभारणी करायची होती. थोडक्यात, पैसा हवा होता. अशावेळी सरकार जो शॉर्टकट वापरतं तेच त्यावेळच्या सरकारने केलं. दारूवर मोठ्याप्रमाणात कर लावला.
फोटो स्टोरी : अणूस्फोटाच्या आधीचा फोटो अमेरिकेला का हवा होता? तंत्र उपलब्ध नसताना तो कसा आणि कुणी काढला??

या फोटोबद्दल जर तुम्हाला काहीच माहित नसेल तर फोटोत दिसणारी गोष्ट एखाद्या बुडबुड्यासारखी वाटू शकते. याच प्रकारचा दुसरा फोटो तर चक्क भल्यामोठ्या तबकडी सारखा दिसत आहे. बऱ्याच लोकांना या फोटोंचा काहीच अर्थ लावता येत नाही. खरंतर हा फोटो एका आण्विक स्फोटाचा फोटो आहे. हा आण्विक स्फोट झाल्यानंतर एका सेकंदाच्या १ कोटीव्या भागात हा फोटो घेण्यात आला होता. स्फोटात दिसणारा १०० फुटी गोळा हा स्फोटाची सुरुवातीची अवस्था दाखवतो. आणखी एक गोष्ट सांगितली तर तुम्हाला नक्कीच आश्चर्य वाटेल, हा फोटो कालपरवाचा नसून १९५२ सालचा आहे. आता तुम्ही कमेंटमध्ये नक्कीच विचाराल की एवढ्या बारकाईने फोटो टिपणारा कॅमेरा त्यावेळी अस्तित्वात होता का? तर त्यासाठीच हा लेखप्रपंच आहे.
फोटो स्टोरी : दुर्मिळ तस्मानियन वाघ कसे संपले? वाचा शेवटच्या तस्मानियन वाघाची शोकांतिका !!

दुर्मिळ अशा तस्मानियन वाघाचा हा फोटो तुम्ही अनेकदा बघितला असेल. फोटोतला दुर्मिळ वाघ या प्रजातीतला शेवटचा प्राणी होता. दुर्मिळ प्राण्यांच्या यादीत पहिल्या ५ प्राण्यांत त्याची दखल घेतली जाते. पण फारच कमी लोकांना हे माहित आहे की फोटोत दिसणारा हा शेवटचा वाघ पृथ्वीवरून नामशेष कसा झाला. म्हणूनच आजच्या फोटो स्टोरीमध्ये आपण शेवटचा तस्मानियन वाघ, तस्मानीयन प्रजाती आणि त्यांच्या नामशेष होण्याची कथा वाचणार आहोत.
फोटो स्टोरी : खोट्या अफवांचा खापर पणजोबा.. या सांगाड्याने अमेरिकन जनतेला असा चुना लावला!!

फोटोत इजिप्शियन ममी सारखा दिसणारा पुतळा हा फेक गोष्टींचा खापर पणजोबा आहे. हा खापर पणजोबा इतिहासात Cardiff Giant म्हणून ओळखला जातो. १९ व्या शतकात सुरु झालेल्या औद्योगिक क्रांतीचे जे मोजके दुष्परिणाम होते त्यातल्याच हा एक दुष्परिणाम म्हणता येईल.चला तर गोष्टीला सुरुवात करूया. औद्योगिक क्रांतीच्या सुरुवातीच्या काळात जाऊ. औद्योगिक क्रांतीतून जन्माला आलेल्या नव्या तंत्रज्ञानाचा आणि संशोधनांचा वापर करून काही भामट्यांनी लोकांना फसवण्याचा उद्योग सुरु केला होता. त्यातीलच एक मोठं उदाहरण म्हणजे ‘Cardiff Giant’.
फोटो स्टोरी : कलकत्यातल्या धनिकाने चक्क झेब्रा टांग्याला जुंपला त्याचा किस्सा!!

देशपरदेशातल्या फोटोंबद्दल लिहिल्यानंतर आज आम्ही आपल्या भारतातील फोटोवर फोटोस्टोरी आणली आहे. ही गोष्ट त्याकाळातली आहे जेव्हा रस्त्यावर फक्त झेब्रा क्रॉसिंग नव्हतं तर, स्वतः झेब्रासुद्धा धावायचे. फोटोत दिसणाऱ्या गाडीला झेब्रा गाडी, झेब्रा टांगा किंवा आणखी काय म्हणायचं ते तुम्हीच ठरवा. आम्ही या लेखापुरतं झेब्रा गाडी म्हणणार आहोत.तर, आता काही लोकांना वाटेल की हा फोटोशॉप आहे किंवा फोटो खरा असला तरी १९०० च्या काळात कॅमेरा होता का ? हा फोटो आम्ही तपासून पाहिला आहे आणि तो पूर्णपणे खरा आहे. फोटोची सत्यासत्यता तपासताना जी माहिती मिळाली ती आम्ही बोभाटाच्या वाचकांपुढे ठेवत आहोत.
फोटो स्टोरी : हिटलरला मूकपणे विरोध करणाऱ्या या तरुणाची कथा सांगते प्रत्यक्ष युद्धापलिकडचंही भयावह वास्तव!!

आजपर्यंत वेगवेगळ्या माध्यमांत हा फोटो तुम्ही पाहिला असेल. हजारो लोक हिटलरला त्याच्या प्रसिद्ध \'हिटलर सॅल्यूट\' मधून मानवंदना देत असताना हा पठ्ठ्या हाताची घडी घालून शांतपणे त्याचा निषेध करत होता. हा फोटो बंडखोरी आणि प्रवाहाच्या विरुद्ध जाण्याची वृत्तीचं प्रतीक मानला जातो. फोटो बघून तुम्हाला प्रश्न पडला असेलच की हा माणूस कोण होता, सगळे हिटलरच्या बाजूने असताना हा त्याच्या विरुद्ध का होता आणि त्याचं पुढे काय झालं?आजच्या फोटोस्टोरीच्या भागात आपण या माणसाला भेटणार आहोत. त्याची पूर्ण कथा वाचून तुम्हाला त्याच्याबद्दल आत्मीयता तर वाटेलच, पण त्याची कथा मनाला चटका लावून जाईल.
फोटो स्टोरी : बाइक्सना रथ जोडून तयार केलेल्या 'मोटार चॅरीयट'चा थरारक इतिहास !!

रोमन सैनिकासारखा वेश, हातात घोड्याचा लगाम, पण घोड्याच्या जागी बाईक्स आणि थोडं लक्ष देऊन बघितलं तर समजेल की, जो रथ दिसतोय तो रथ नसून चक्क दारू साठवण्याचं पिंप आहे. हा काय प्रकार आहे?आजच्या फोटोस्टोरीचा हाच तर विषय आहे.
फोटो स्टोरी : रस्त्यावर इजिप्शियन ममी विकणारा हा माणूस इजिप्तच्या इतिहासाच्या नष्ट होण्याचा इतिहास सांगतोय !!

रस्त्याच्या कडेला चणे फुटाणे विकतात तसं एक माणूस इजिप्शियन ममी विकत बसला आहे. हे चित्र विचित्र वाटतं ना? पण आम्ही जर तुम्हाला सांगितलं की हा माणूस तर फक्त विकतोय, काही लोकांनी इजिप्शियन ममी औषध म्हणून विकल्या तर काहींनी कोळशाच्या जागी ममी जाळून रेल्वे चालवल्या.थांबा, हा काय प्रकार होता? चला तर हा प्रश्न घेऊनच आजच्या फोटोस्टोरीची सुरुवात करू. आजचा विषय आहे “इजिप्शियन ममी विकणे आहे.’
फोटो स्टोरी : मिस वर्ल्ड, मिस इंडिया अशा स्पर्धा नसलेल्या काळात चक्क घोट्यांच्या सौंदर्यस्पर्धा व्हायच्या?

मिस वर्ल्ड आणि मिस इंडिया सारख्या सौंदर्य स्पर्धा भरायच्या आधी स्त्रियांसाठी चक्क घोट्यांची सौंदर्य स्पर्धा भरवली जायची? या फोटोत दिसतच आहे ते! स्त्रियांना एका पडद्यामागे उभं केलं जायचं आणि त्यांचे घोटे तपासले जायचे. घोट्याचा आकार, सौंदर्य, त्याचा आकर्षकपणा पाहून विजेतेपद घोषित केलं जायचं. घोट्यात एवढं काय खास आहे, या स्पर्धा कशा जन्माला आल्या, का आणि कशा बंद पडल्या?... आजच्या फोटो स्टोरीत आपण या सगळ्या गोष्टी जाणून घेणार आहोत.
फोटो स्टोरी: जीव वाचवणाऱ्या या जगप्रसिद्ध चुंबनदृश्यामागची खरी गोष्ट!

फोटोग्राफर्सचं जग फार रोमांचकारी असतं. कधीकधी त्यांच्याही नकळत अशी काही दृश्य टिपली जातात की पुढे जाऊन त्यांची इतिहासात नोंद होते. हिटलरला सलाम न ठोकणाऱ्या माणसाचा फोटो असेल किंवा आईनस्टाईन आजोबांनी खोडकरपणे जीभ बाहेर काढलेला फोटो किंवा त्याहीपेक्षा चे गेव्हेरा या क्रांतिकारकाचा जगप्रसिद्ध फोटो असेल, हे सर्व फोटो नकळतपणे आणि अगदी सहजपणे टिपले गेले होते, पण आज त्यांनी जगाच्या इतिहासात आपलं स्थान निर्माण केलंय.आजच्या फोटो स्टोरीमध्ये आम्ही अशाच एका सहजपणे टिपण्यात आलेल्या ऐतिहासिक फोटोची कथा घेऊन आलो आहोत. कथा वाचण्यापूर्वी तो फोटो पाहूया.
फोटो स्टोरी: खांद्यावर नुडल्सचा मनोरा तोलणारे जपानचे आगळेवेगळे डिलिव्हरी बॉईज!!

फोटोत दिसत असलेला माणूस आपल्या खांद्यावर काय तोलून नेत आहे? तुम्हाला काही अंदाज आला का? फोटोवरून अंदाज येणं थोडं कठीण आहे, आम्हीच सांगतो. हा फोटो एका डिलिव्हरी बॉईचा आहे. त्याच्या खांद्यावर दिसणारा उंच मनोरा हा नुडल्स बाउल्सचा आहे. ही गोष्ट तेव्हाची आहे जेव्हा झोमॉटो आणि स्वीगीसारख्या सेवा नव्हत्या. जपानमध्ये या पद्धतीने कित्येक डिलिव्हरी बॉईज नुडल्स पोचवण्याचं काम करायचे. अन्नपदार्थ पोचवण्याच्या काही जुन्या पद्धतींमध्ये जपानच्या या पद्धतीचा समावेश होतो. आजच्या फोटो स्टोरीमध्ये जपानच्या या आगळ्यावेगळ्या फूड डिलिव्हरी सर्व्हिसबद्दल सविस्तर जाणून घेऊया.

इतर मालिका